Tuesday, March 28, 2017

Zhang Jigang නමැති චීන නර්තන ශිල්පියා විසින් නිර්මාණය කරන ලද "Thousand Hand GuanYin" නර්තන ශිල්පය අද වන විට ලොව ජනප්‍රිය චීන නර්තන ශිල්පයක් බවට පත්ව ඇත.
මහායාන බුදු දහමේ එන Guanyin නැමති අත් දහසක් ඇති බෝධිසත්ව චරිතය මෙම අතිශය අලංකාර නර්තනය මගින් පෙන්නුම් කෙරේ.

දුර්ලභ ගණයේ වලාකුළු විශේෂයක් ලෙස සැලකෙන

දුර්ලභ ගණයේ වලාකුළු විශේෂයක් ලෙස සැලකෙන " Morning Glory cloud " නමින් හැදින්වෙන වලාකුළු විශේෂය දිගින් කිලෝමීටර් 1,000 පමණ දුරක් විහිදෙන අතර කිලෝමීටර් 1 සිට 2 පමණ දක්වා පළලින් යුතු වන ස්වාභාව ධර්මයේ විශ්මිත නිර්මාණයක් ලෙස සැලකේ.
විශේෂයෙන්ම උතුරු ඕස්ට්රේලියාවේ කාපෙන්ටේරියා බොක්ක ආශ්‍රිතව දැකිය හැකි මෙම වලාකුළු විශේෂය නිර්මාණය වන ආකාරය පිළිබදව නිශ්චිත වශයෙන් කරුණු අනාවරණය වී නැතත් උතුරු ඕස්ට්රේලියාවේ වැඩි පීඩන කලාපයේ සිට මධ්‍යම ඕස්ට්රේලියාවේ අඩු පීඩනය කලාපයට අධික ආර්ද්‍රතාවය සහිත සුළං හමායාමෙන් නිර්මාණය වේ යැයි විශ්වාස කෙරේ.

වසන්තයේ කැනෝලා මලින් (

වසන්තයේ කැනෝලා මලින් ( canola flowers ) විසිතුරු වන චීනයේ යුනාන් ( Yunnan ) ප්‍රාන්තයේ මිටියාවත් සිහිගන්වන්නේ උසස් කලාකරුවෙකු විසින් අදින ලද අති සුන්දර චිත්‍රයක්.
සෑම වසරකම පෙබරවාරි ,මාර්තු , අප්‍රියෙල් යන මාස වලදී මලින් බරවෙන කැනෝලා මල් මිටියාවත් ආශ්‍රිතව ජයටම සිදු කෙරෙන්නේ මීමැසි පාලනය.
ඒ වගේම ඒ කාලෙට ලෝකයේ නන් දෙසින් පැමිණෙන ජයාරූප ශිල්පීන්ගේ පාරාදීසයක් බවටත් යුනාන් පළාත පත් වෙනවා.
ඊට පස්සේ මේ මල් පර උනාම ඉතිරි වන බීජ යොදාගෙන තමයි කැනෝලා පිසින තෙල් ( canola cooking oil ) නිෂ්පාදන කරන්න පටන් ගන්නේ.

දකුණු දිග ප්‍රංශයේ Lavender in Provence

දකුණු දිග ප්‍රංශයේ Lavender in Provence ප්‍රදේශය ලැවැන්ඩර් මල් වගාවට ලෝක ප්‍රසිද්ධියක් උසුලන ලබනවා.
සෑම වසරකම ජුනි මස සිට අගෝස්තු දක්වා පිපෙන , ගිම්හානයට අරුම පුදුම සුන්දරත්වයක් එක් කරන මේ ලැවැන්ඩර් මල් , ඉතා සුපරීක්ෂාකාරී ලෙස නෙලා ගන්නේ ලැවැන්ඩර් සුවද විලවුන් සහ සබන් නිෂ්පාදනය කරන්න.තවත් සමහරක් නැවුම් මල් වශයෙනුත් වෙළද පොලට

ඇමසන් වනාන්තරයේ ජිවත් වෙන ගිරවුන්

ඇමසන් වනාන්තරයේ ජිවත් වෙන ගිරවුන් නාය යාමට ලක් වූ බැවුම් වල ඇති නැවුම් මැටි ආහාරයට ගනු ලබයි.
ඔවුන් විසින් ආහාරයට ගන්නා ලද විෂ සහිත ඇට වර්ග වල විෂ සහිත බව උදාසීන කර ගැනීමට උදව් වන මැටි වල අඩංගු සෝඩියම් මුලද්‍රවය ශරීරයට එකතු කර ගැනීම, මෙලෙස මැටි ආහාරයට ගැනීමේ රහස ලෙස සත්ව විද්‍යාඥයින් විසින් සොයා ගෙන තිබේ.

"යක්ෂයාගේ පාලම


අද්භූත දසුන් මවන ජර්මනියේ යක්ෂයාගේ පාලම

ජර්මනියේ Brandenburg පළාතේ Kromlauer උද්‍යානයේ දක්නට ලැබෙන මෙම ආශ්චර්යමත් පාලම නම් කර ඇත්තේ "යක්ෂයාගේ පාලම " ( devil's bridge ) නමින්.

තුනී ගල් යොදාගනිමින් 1860 වර්ෂයේදී  ගොඩනගා ඇති මෙම ආරුක්කු පාලමේ ප්‍රතිබිම්බය, පැහැපත් ජලය මත පතිත වූ විට සම්පුරණ කවයක් නිර්මාණය වීමෙන් මැවෙන්නේ අදහාගත නොහැකි අපුරු දර්ශනයකි.එම නිසාම මෙම ප්‍රදේශය ජායාරූප ශිල්පීන්ගේ රජදහනකි.

මෙම අද්විතීය නිර්මාණය "යක්ෂයාගේ පාලම " ලෙස නම් කිරීම පිටුපස බොහෝ ජනප්‍රවාද සහ මිථ්‍යා කථා පවතියි.එක් කතාවකින් කියවෙන්නේ මෙම පාලම නිර්මාණය කරමින් සිටි ගෘහ නිර්මාණ ශිල්පියා අසාර්ථක වූ කල ඒ සදහා ඔහු යක්ෂයෙකුගෙන් උදව් ලබාගෙන තිබේ.

යක්ෂයා මෙම පාලම නිර්මාණයට ඔහුට උදව් කර ඇත්තේ එක කොන්දේසියක් උඩය.එනම් මෙම පාලම අවසන් කිරීමෙන් පසු එය මතින් ගමන් ගන්නා පළමු ප්‍රාණියාගේ ආත්මය ඔහුට අවශ්‍ය බව කියමිනි.එයට එකග වූ ගෘහ නිර්මාණ ශිල්පියා යක්ෂයාගේ උදව්වෙන් මෙම පාලම ඉදිකරගෙන ඇත.

පසුව යක්ෂයා රැවටීමට අදහස් කල ගෘහ නිර්මාණ ශිල්පියා ප්‍රථමයෙන් පාලම මතින් මිනිසෙකු ගමන් කිරීම වෙනුවට සුනඛයෙකු එතෙර කරවා තිබේ.මෙයින් කිපුණු යක්ෂයා ගගට පැන අතුරුදහන් වී ඇත.

තවත් සිත්ඇදගන්නා සුළු මිථ්‍යාවකින් කියවෙන්නේ පුර්ණ චන්ද්‍රයා ඇති රැයක මෙම පාලම යටින් බෝටුට්වක නැගී ගමන් කරන්නේ නම් තමා සතු අභිරහස් හැකියාවන් (mystic abilities) කවරේද යන්න සොයාගත හැකි බවයි.

නමුත් ඒලෙස ගමන් ගන්නා විට කිසිවිටකත් ගගේ ජලය ස්පර්ශ කිරීම හෝ ජලය මත මැවෙන ඔහුගේ ප්‍රතිබිම්බය දෙස නොබැලිය යුතු බවත් සදහන්.තවත් සමහරුන් විශ්වාස කරන්නේ මෙම පාලම වෙනත් ලෝකයකට පිවිසෙන දොරටුවක් බවයි.

අප නවීන තාක්ෂණයෙන් කෙතරම් සන්නද්ධ

අප නවීන තාක්ෂණයෙන් කෙතරම් සන්නද්ධ වී සිටියත් ස්වභාවධර්ම මාතාවගේ අණසකට නතුවූ ප්‍රදේශ ලොව ඕනෑතරම් දැකිය හැකිය.එවැනි එක් ස්ථානයකි නවසීලන්තයේ දකුණු දුපතේ දක්නට ලැබෙන Slope Point.
සමකයේ සිට කිලෝමීටර් 5,100 දකුණින්ද දක්ෂිණ ධ්‍රැවයේ සිට කිලෝමීටර් 4,800 උතුරින් ද පිහිටා ඇති මෙම ප්‍රදේශය වර්ෂය පුරාම නිරාවරණය වන්නේ දක්ෂිණ ධ්‍රැවයේ සිට හමායන ප්‍රබල සුළං ධාරා සහිත කටුක දේශගුණික තත්වයන්ටය.
එම නිසාම මෙම ප්‍රදේශය පුරා දක්නට ලැබෙන ගස් ඇඹරී ඇදවී ගොස් ඇත්තේ පරිසරයට අසාමාන්‍ය සුන්දරත්වයක්ද එක් කරමිනි.